Күзгі демалыс

Павлодар қаласының «Жас дарын» мамандандырылған мектебінде күзгі демалысқа шығар алдында оқушылармен жиналыстар өткізілді. Жиналыста оқушылардың оқу үлгерімімен қатар, үйде, көшеде жүргенде ескеретін қауіпсіздік ережелері сөз болды. Оқушыларға ауа райының құбылмалылығына байланысты көшеде көктайғақ, өзенде жұқа мұз қатып өзен жағасына бару қауіпті екендігі ескертілді.

Демалыс уақытында дәстүр бойынша мектепте оқу-тәрбие жұмысына сәйкес іс-шаралар жоспары құрылып, бекітілді. Ондағы мақсат, оқушылардың демалысын тиімді пайдаланып, баланың жан-жақтылығын дамытып, құқықтық, патриоттық, рухани-адамгершілік тәрбиеге баулу.   Оқушылардың жас ерекшелігін ескере отырып іс-шаралар  жоспарланды. 5-6 сыныптарға «Менің отбасым» тақырыбындағы коллаж әзірлеу тапсырылды. 7 сыныптар арасында пионербол, волейбол спорт түрлері бойынша сайыстар өткізу жоспарланып отыр. 8 сынып оқушылары «ЭКСПО тарихы» тақырыбында дебат өткізсе, 9-11 сыныптарға кәсіптік бағдай беру мақсатында ПМПИ өкілдерімен кездесу жоспарланды. Мектепшілік «Жас Ұлан» біріңғай жастар мен жасөспірімдер ұйымының мүшелеріне мекепшілік үн газетіне  «Мәңгілік ел» актісі бойынша репортаж жасайды. Күзгі демалыс барысында 5-11 оқушылары Театр, мұражай, кітапхана мен саябақтарға және т.б. мәдени орындарға бару жоспарланды.