Павлодар қаласының дарынды балаларға арналған оқу мемлекеттік тілде жүргізілетін мектебі тарихының бастауы Президенттің 1996 жылы 24-мамырдағы №3002 «Дарынды балаларға арналған мектептерге мемлекеттік қолдау жасап, дамыту туралы» өкімін іс-жүзіне асыру мақсатында Павлодар қаласында облыс әкімінің 1999 жылы 13 тамызындағы шешімі негізінде мектептің ашылу күнінен бастау алады. Жаңа оқу жылына 45 оқушы қабылданып, 3 сынып-комплект ашылды. Оқушылар конкурстық іріктеуден өтіп, 1,2,3 сыныптарға қабылданды. Жаңадан ашылған дарынды балаларға арналған оқу мемлекеттік тілде жүргізілетін мектебінің директоры болып Мұқашева Гүлбаршын Жұмажанқызы сайланды. /1999 – 2007 жж/
Жоғары санатты 4 мұғалім жұмыс істеді. Мектеп директоры Мұқашева Гүлбаршын Жұмажанқызы және бастауыш сынып мұғалімдері:Жарова Тоқмейіл Жайлауқызы, Ақатаева Алма Мәжитқызы, Қабылова Күлкен Қазезқызы.
Жарова Т.Ж. Қабылова К.Қ . Ахатаева А.М.
Жарова Тоқмейіл Жайлауовна - бастауыш сыныптағы математика пәнінің мұғалімі, математика пәнін оза оқыту бағдарламасының авторы.
Қабылова Күлкен Қазезқызы- жоғары санатты ұстаз. Бала дарындылығы мәселелеріне арналған Болгарияда өткен халықаралық конференция қатысушысы.
Ақатаева Алма Мәжитқызы-бастауыш сынып мұғалімі
Мектептің негізгі миссиясы: «Оқушыларды өмірге бейімдеу, жас дарындарға өмірге жолдама беру, дарынды балаларды қолдау» болды.
Алғашында мектеп М.М.Катаев атындағы оқушылар сарайында орналасып, жөндеу жұмыстары аяқталғаннан кейін, 2000 жылдың қыркүйек айынан бастап мектеп 1938 жылы салынған Ленин көшесіндегі , 125 ғимаратқа көшірілді. Соғыс жылдары мектепте эвакогоспиталь болған. Бүгінгі күні мектеп ғимараты мәдениеттің тарихи ескерткіші болып саналады.
1999 жылы мектептің Жарғысы бекітіледі. Мектептің ары қарай дамуын жоспарлайтын нормативтік құжаттар: 1999-2002 жылдарға арналған мектеп Тұжырымдамасы, 2002-2007 жылдарға арналған Даму бағдарламасын құрастырып, бекітеді. «Мектеп жергілікті әрекеттестік орталығы» жобасы жұмыс істей бастайды.
2000-2001 оқу жылы 4-8 сыныптарға оқушылар қабылданды. 4 бастауыш сынып, 4 орта буын сыныптары ашылды, барлығы 82 оқушы оқыды.
Мектеп директоры Гүлбаршын Жұмажанқызы бастауымен бастауыш сыныптарға арналған «Ботақан» интеллектуалдық ойын және зерттеу қабілеттерін ұштау мақсатында «Менің ізденістерім» зерттеу сайыстары өткізіле бастайды. Ойын жеңімпаздарын іріктеп, олимпиадаға дайындық басталады.
2001-2002жылы мектеп барлығы 152 оқушы бар негізгі мектеп ретінде (1-9 сынып) жұмыс істей бастады.
2002-2003жылы 1-ден 10-шы сыныпқа дейін барлығы 206 оқушы оқыды.
2003 жылдан мектептің дамуына бағытталған «Іс-әрекеттік мазмұнда оқыту- балалардың дарындылығын дамытудың алғы шарттарының бірі» проблемасындағы педагогикалық локальдік эксперименттері енгізілді. Мектептегі білімнің сапасы мен беделін көтеру үшін, оқушылардың бәскелестігін арттыру үшін олимпиадалық қозғалысты дамыту қолға алынады. Жазғы каникул күндерінде лагерьге ЖОО ұстаздарын тартады, мұғалімдер олимпиадалық тапсырмаларын құрастырады. Осы жұмыстың нәтижесі ретінде мектептің алғаш олимпиада жүлдегерлері мен жеңімпаздары болып 2003 жылы Асаинов Ренат Республикалық оқушылардың ғылыми жобалар сайысының математика пәнінен ІІІ дәрежелі жүлдегері , 2004 жылы Сейсембекова Жұлдыз Республикалық орыс тілі бойынша пәндік олимпиададан күміс медаль , 2005және 2006 жылдары Жұманиязов Айдын Республикалық орыс тілі бойынша пәндік олимпиададан 2 мәрте күміс медаль иемденеді.2006 жылы Оспанова Ажар Грецияның Ретимно қаласында өткен тарих пен мәдениеттанудан Халықаралық ғылыми жобалар сайысынан ІІІ орын (қола медаль), Мұстафин Алиби 1 орын (Алтын медаль), математикадан Датбаев 3 орын (қола медаль), Мәскеуде өткен Халықаралық ғылыми жобалар сайысында Айтымбетова Назым 2 орын (Күміс медаль) алады.
Жылдан жылға оқушылар саны көбейіп 2003-2004 оқу жылында мектеп барлығы 273 оқушы бар 1- 11 сынып құрамында орта мектепке айналды, сол жылы мектеп алғашқы түлектерін ұшырды. 2004 жыл мектеп тарихында бірінші түлектерді ұшырып шығару жылы болып қалады.
2004-2005 314 оқушы қабылданды. 2005 жылдан бастап тек 5-сыныптардан бастап оқушылар қабылданады.
2005-2006 оқу жылында 354 оқушы оқиды. Осы оқу жылында алғашқы «Алтын белгі» иегерлері Кәрімова Марал, Қыпшақпаева Маржан бітіріп шығады. Осы оқу жылында мектеп ұжымы келесі мәселелі тақырыптар бойынша әрекеттенді: тәжірибелік-эксперименталдық жұмысының тақырыбы «Дарынды балаларға арналған мектептегі ОТҮ-нің аймақтандырылуы», әдістемелік жұмысының тақырыбы «Дарынды балалардың білім сапасына жету жолы – ол оқушы тұлғасының моделіне ұстаз тұлғасы моделінің сәйкестігі» деп алынды.
2007 жылы ҚР «Білім беру ісінің үздігі» (1993) төсбелгісі иегері Хасанова Сауле Төлегенқызы мектепке басшы болып келеді. /2007-2018/
2007-2008 оқу жылында мектептің авариялық жағдайына байланысты қалпына келтіру реконструкциясы күрделі жөндеуден өтіп, мектебіміздің ғимараты өнделіп , жаңартылды.
2005-2007 – білім мазмұныны іріктелді, сонымен бірге регионалдық компоненттің бағдарламалары енгізілді. Осы жылы «Мектептің тәрбиелеу жүйесінің моделі бекітіледі.
Мектепте үш тілде білім беру эксперименті 2007-2008 оқу жылынан басталды. Арнайы курстар спектрі кеңейтілді: негізгі сатыда (5-9 с.) Ағылшын тілінде физика-7 «Г» ,химия-9 «М», информатика-8 «М», биология- 9 «Г»,дүние жүзі тарихы орысша-8 «М», орыс тілі орыс мектебінің бағдарламасы бойынша оқытылды.
Мектеп көптілділікті дамыту бойынша облыстық эксперименталдық алаңына енуіне байланысты жаңа заман талапқа сай биология, физика, информатика, химия пәндері ағылшын тілінде жүргізіледі, мұғалімдер көптілділік оқыту бойынша курстардан өтіп, В1, В2, С1 сертификаттар алды. Мектептің оқыту-тәрбиелеу үдерісіне Назарбаев Зияткерлік мектептерде қолданылатын қазіргі жаңа әдістемелер мен оқыту технологияларын енгізу жөніндегі шешімді іс-жүзіне асыру мақсатында Lesson Study тәсілі, «НЗМ жұмысының тәжірибесі бойынша оқушылардың тұлғасын әлеуметтендіру мақсатында «Шаңырақ», «Туған жерге тағзым», «Флеш-моб», «Ақпараттық жиын», «Рейтинг», «Патриоттық әндер», «Теңбе-тең» жобалары, «ОҮ критериалдық бағалауды енгізу» эксперимент жұмыстары ұйымдастырылды.
Даму бағдарламасының аяқталуына байланысты, мектеп іс-тәжірибесі жалпыланып, келесі бес жылдыққа 2007-2012 жылдарға Даму бағдарламасы талқыланып, кіргізіледі. Мектептің ғылыми-зерттеу тақырыбы «Креативті менеджмент» болса, ғылыми-әдістемелік жағынан «Креативті дидактика» мазмұнымен байланысты болды.
Мектептің олимпиада командасы
Арынғазина Әсел Муратовнаның жетекшілігімен мектептің «Жас дарын» мектепішілік газеті шыға бастады.
28.07.2010 жылы Павлодар облысының әкімдігінің №176/12 қаулысымен «Жас дарын» мамандандырылған мектебі болып атауы өзгертілді.
2012 жылы «Креативті нәтижеге бағытталған мектептік менеджмент» тақырыбында мектеп директоры облыстық сайысқа қатысып, мектеп тәжірибесін ортаға салып, Республикалық сайыста «Жалпы орта білім беру ұйымының ең үздік менеджері» номинациясы бойынша ІІІ орын алды.
Инновациялық бағыт ретінде Назарбаев интеллектуалдық мектептерінің жұмыс жүйесі ұсынылды. Сонымен қатар, «Жас дарын» мектебіне аймақтағы және республикадағы элитарлық білім беру жүйесіндегі өз тәжірибесіне НЗМ әдістемесін енгізіп насихаттау қызметі міндеттелген пилоттық мектебінің дәрежесі берілді.
2012 – креативті педагогикалық менеджментінің негізін жалпыландыру, 2012-2015 – НЗМ әдістемесін ОТҮ енгізу, креативті педагогикалық менеджментінің негізін құру әдістемесін жалғастыру , креативті педагогикалық менеджментінің негізін құру әдістемесін жалғастырды.
2013-2016 жылдары- Назарбаев мектептерінің тәжірибесін тасымалдау алаңы болды. Мектебінің оқыту-тәрбиелеу үдерісіне Назарбаев Зияткерлік мектептерде қолданылатын қазіргі жаңа әдістемелер мен оқыту технологияларын енгізу жөніндегі шешімді іс-жүзіне асыру мақсатында Б.Х.Абдиюсупова жетекшілік етуімен «Жас дарын» мектебінің инновациялық іс-әрекет жүйесінде келесі тақырыптардағы эксперимент жұмыстары ұйымдастырылды:
- Оқу үрдісінде критериалдық бағалауды енгізу (шығармашылық топтағы мұғалімдер: Алибеков М.С, Құсдәулетова А.Б., Куватова М.Б., Қайдарова Л.С., Шаймұрат А.Б. Бекібаева С.Г., Алибеков М.С.);
- Тәрбие үрдісінде оқушыларға тьюторлық сүйемелдеу жасау (шығармашылық топтағы ұстаздар: Ильясова Г.Р., Шаймұрат А.Б., Құсайынова А.У., Омарова Қ.О.,Темірғалы Қ.М.);
- LESSON STUDY тәсілі – біздің тәжірибемізде. (Г.Н.Кожагельдинова, Кусаинова А.У, Досумбекова Р.О, А.А.Текенов, А.Х.Сумбаева, Бекібаева С.Ғ, Кайдарова Л.С)
ҚР орта білім беретін мекемелерінің базалық ұйымының басқарушы құрамын тағылымдамадан өткізу туралы ҚР БжҒМ 2012 жылдың 10 мамырындағы №206 бұйрығына сәйкес НЗМ тарату үшін 5 кезеңнен тұратын 26.06.13.-14.10.13. уақыт аралығында мектеп директоры С.Т.Хасанова мен оқу ісі жөніндегі орынбасары Б.Х.Абдиюсупова тағылымдамадан өтті. І кезең Астана қаласында Модуль бойынша семинарларға қатысты. ІІ кезең Ұлыбритания елінде, Брайтон қаласында Сассекс университетінде 2 апталық тағылымдамадан өтті. ІІІ кезеңде мектепте зерттеу жүргізілді. Политілдік мәселесі жалғастырылды. Мектепте биология, математика, экономика пәндерін ағылшын тілінде жүргізу жұмыстары жүргізілді. Қорытындысында, Сассекс университетінің және НЗМ басқармасынан « Базалық білім беру ұйымдары басшыларының тағылымдамасы» атты сертификатқа ие болды.
Павлодар қаласының «Жас дарын» мамандандырылған мектебінде НЗМ тәжірибесін тарату мақсатындағы іс-шаралар жоспарына сәйкес желілік қауымдастық құрылды. Май ауданы пән мұғалімдеріне ҰБТ-ға дайындыққа математика, тарих, биология пәнінен кеңес берілді.
2014 жылы «Евразия тобы» ЖШС демеушілігімен 37,3 миллионға галерея салынды.
2014 жылы іске қосылған галлерея
Мектеп «Үздік білім беру мекемесі – 2014 » сайысының жеңімпазы, 15973000 теңгелік әкім грантына ие болды. Мектеп облыстық рейтингтік қорытындысы бойынша бірінші орында.
Омбы қаласының білім беру басқармасы ұйымдастырған халықаралық семинарда ұжым «Үш тілді білім беруді кіргізе отырып, білім мазұнын жаңарту» тақырыбында іс-тәжірибесімен бөлісті.
2015-2016 оқу жылының мектеп тақырыбы: НЗМ тәжірибесіне бағытталған мектеп жүйесі. «Дарынды балаларға арналған дидактика» - ұжымның ағымдағы 5-жылдықтың әдістемелік тақырыбы болса, бір жылға алдаған эксперименттік тақырып: «Білім беруді жеке тұлғаға бағыттап оқыту» Осы тақырып бойынша ұжым қызу жұмыс істеп, өзінің алғашқы қадамдарын жалпылап, дарындылық мәселелері бойынша Алматы қаласында өткен Республикалық семинарға да қатысты.
Ы.Алтынсарин атындағы академиясының ғылыми кеңесінің 20.07.2015 жылғы №6 хаттамасы негізінде «Мектеп менеджменті» тақырыбында Г.Н.Кожагельдинова жетекшілігімен мектеп жұмысының тәжірибесі жинақталып, республика көлемінде таратылды; Мектеп 2015 жылғы облыстық рейтингтік қорытындысы бойынша бірінші орында.
Хасанова Сәуле Төлегенқызының басшылығымен оқу-тәрбие үрдісін Әбдіжүсіпова Б.Х., Кожагельдинова Г.Н, Сырттанова А.Т, Шайхимов А.А, Белгібаева Г.М көзқарасы ұштасқан қабілетті әкімшілік риясыз еңбек етті.
«Жас дарын» мектебі «Мемлекеттік тілдегі ең үздік білім беру сайты» конкурсында І орын, Ұлттық бірыңғай тестілеуде жоғары нәтиже көрсеткені үшін Білім және ғылым вице – министрінің «Алғыс хат» иегері, Республикалық «Ең үздік мамандандырылған білім беру мекемесі» сайысының ІІІ дәрежелі диплом иегері, жаратылыстану – математикалық бағыттағы пәндер бойынша облыстық олимпиаданың қорытындысында ең үздік нәтижелер үшін жүлделі ІІІ орын және «Ең үздік олимпиадалық команда» номинациясына ие болды, облыстық олимпиаданың қорытындысында жаратылыстану – математикалық бағыттағы пәндер бойынша көрсеткен үздік нәтижелері үшін ІІІ орын және «Ең үздік олимпиадалық команда» номинациясының иегері, ұлттық бірыңғай тестілеуде жоғары нәтиже көрсеткені үшін облыс әкімінің «Диплом» иегері атанды. Мектеп 2016 жылғы облыстық рейтингтік қорытындысы бойынша бірінші орында.
Мохаммед-Али Амир математикадан облыстық пәндер олимпиадасының жеңімпазы, республикалық пәндер олимпиадасының жеңімпазы, алтын медаль; «Жібек жолы» халықаралық математикалық олимпиадасының жеңімпазы, алтын медаль; Жәутіков атындағы халықаралық Олимпиаданың жүлдегері, қола медаль; Сербияның Белград қаласынды XXVIIІ математикалық халықаралық Junior Bulkan олимпиадасында «Қола медаль» иегері атанды.2 дүркін ҚБТУ университеті грант сертификатының , Аль-Фараби университеті грантының сертификат иегері,Мяньян қаласында (Қытай Халық Республикасы) 2016 жылғы 13-18 тамыз аралығында өткен математикадан Батыс-Қытай Халықаралық олимпиада «Күміс медаль» иегері, 20.07.2016 жылы Қытай Халық Республикасының Гонконг қаласында өткен (IMO) әлемдік математикалық олимпиадасының «Алтын медаль» иегері атанды.
Мектеп 2017 жылғы облыстық рейтингтік қорытындысы бойынша бірінші орында.
2017 жылғы тамыз кеңесінде бірнеше жыл бойы жоғары көрсеткен нәтижелері үшін Павлодар облысының әкімінің тағайындаған 50 миллион теңге көлемінде арнайы грантына ие болды. Осы грант қаражатына мектептің материалдық техникалық базасы, компьютерлер паркі толықтырылды, автоматтандырылған кітапхана жабдықталды.
Мектебіміз кезекті рет олимпиада қорытындысы бойынша республикалық олимпиада қорытындысы бойынша жаратылыстану- математикалық бағыт бойынша Бас жүлде және «Ең үздік олимпиадалық команда-2017»облыстық олимпиадада жаратылыстану-математикалық бағытта облыстық олимпиаданың қорытындысы бойынша 2-орын және «Ең үздік олимпиадалық команда-2017» және қоғамдық гуманитарлық бағытында 1 – орын және «Ең үздік олимпиадалық команда-2017» аталымда 1-дәрежелі дипломға, атағын иеленді.
.
22.07.2017 жылы мектеп оқушысы Мохаммед Али Амир – Республикалық пән олимпиадасының математика пәні бойынша абсолюттік жеңімпазы, Бразилиядағы Рио-де-Жанейро қаласында өткен 58-ші Халықаралық математикалық олимпиадасында (IMO) екінші «Алтын медалін» жеңіп алды. Бүгінгі күні әлемдегі үздік оқу орындарының бірі Принстон университетінде (АҚШ) білімін жалғастыруда.
18.10. 2018 жылдан бастап қазіргі уақытқа дейін мектеп директоры Жанғазы Гульнар Садыққызы.
2018-2019 оқу жылында 375 оқушы, 38 мұғалім жұмыс істеді.
Мектептің әдістемелік тақырыбы: «Шығармашылық пен ізденіс арқылы жеке тұлғаға бағытталған оқу-тәрбие үрдісі».
2018 жылдың қыркүйек айында мектепке бұрынғы «Ертіс дарыны» аймақтық-практикалық орталығының ғимараты берілді. Бұл ғимаратта цифрландырылған кітапхана, электронды оқу залы, робототехника кабинеты, STEM зертханасы, заманауи мұғалімдер бөлмесі, олимпиадалық резерв мектебінің 2 кабинеті ашылды. Мектептің фойесінде «Element Sistem» жүйесі орнатылды, ол құрылғы камерадан, кірушілердің картасын оқитын құрылғы, оқушының картасынан тұрады. Осы оқу жылында aкт залында ремонт, технология кабинеті ашылды, мектеп коридорларында Вайфай аймағы, SmartSchool қабырғасы және «Рухани жаңғыру», IT-сынып безендірілді, мектеп фойесінде СКУД жүйесі орнатылды.
Тереңкөл аудан мектептерімен «Өзара әрекеттестік және кәсіби қолдау – заманауи білім беру жолдарының тиімді түрлерінің бірі» жобасы бастама алды.Мектебіміз тағы да «Мамандандырылған мектептер арасында үздік ғылыми қоғам» номинациясымен марапатталды."Ең Үздік олимпиадалық команда-2018" номинациясын : қоғамдық-гуманитарлық бағыттағы пәндер бойынша ІІ орын, жаратылыстану-математикалық бағыттағы пәндер бойынша ІІІ орынға ие болды.
2019-2020 оқу жылы 17 сынып-комплектіде, оның 10-ЖМБ, 7-ҚГБ, 390 оқушы білім алып, 46 мұғалім қызмет атқарды. 14 - «педагог-шебер», 17 - «педагог-зерттеуші», 2 ұстаз «педагог-сарапшы», 2 ұстаз «педагог-модератор».
Мектебіміз кезекті рет «Мамандандырылған мектептер арасында үздік ғылыми қоғам» номинациясымен марапатталды. Мектеп командасы тағы да бір рет өзінің білім сапасын дәлелдеп, "Ең Үздік олимпиадалық команда-2020" номинациясын : қоғамдық-гуманитарлық бағыттағы пәндер бойынша І орын, жаратылыстану-математикалық бағыттағы пәндер бойынша ІІ орынға ие болды.
Г.С.Жанғазының бастамасымен «Кітап оқу» жобасы енгізілді. Оқушылардың бос уақытында еркін отырып, кітап оқулары үшін Буккроссинг бұрышы ашылды.
2020-2021 оқу жылында оқушылар саны 403, сынып-комплекті: 17, оның 14-ЖМБ, 3 сынып қана ҚГБ қалды. 47 мұғалім / 11-шебер, 22-зерттеуші, 2 сарапшы, 6 модератор/
2021-2022 оқу жылы 17 сынып-комплектілердің барлығы жаратылыстану-математикалық бағыттқа көшірілді. Барлығы 403 оқушы білім алуда. Кадрлар құрамы: 45, санатына қарай: педагог-шебер – 10 ,педагог-зерттеуші – 19 ,педагог-сарапшы – 1, педагог-модератор -8, екінші санатты – 1 , санаты жоқ – 6
2019-2023 жылдарға арналған мектеп тақырыбы:«Білім беруді тұрақты дамыту жағдайында мамандандырылған мектептің бірыңғай білім беру кеңістігі мазмұнын жаңарту»
Мақсаты : «Білім беруді тұрақты дамыту жағдайында мамандандырылған мектептің бірыңғай білім беру кеңістігінің мазмұнын жаңарту барысында оқытудың бәсекеге қабілеттілігін арттыру және жалпыадамзаттық құндылықтар негізінде тұлғаны тәрбиелеу және оқыту»
2020-2021 оқу жылында «Creative Live» үздіксіз білім беру атты жобасы бойынша мектепте физика-математика орталығы үйымдастырылды.Жоспарға сай физика-математика, информатика пән мұғалімдері облыс мұғалімдеріне семинарлар өткізді.
Қазақстан Республикасының Тұңғыш Президенті – Елбасының «Ел Үміті» талантты жастарды анықтау және қолдау, жас балаларды шығармашылыққа ұмтылатын белсенді азаматтар болуға ынталандыру бастамасы шеңбері аясында «Жас дарын» мектебі Тереңкөл және Павлодар аудан мектептерімен «Өзара әрекеттестік және кәсіби қолдау – заманауи білім беру жолдарының тиімді түрлерінің бірі» бағытында ауыл мектеп оқушыларына арналған «Мың бала» Ұлттық зияткерлік олимпиадасына дайындық жұмыстарымен ҰБТ дайындық өткізілді..
2020 жылдың 18 қараша – 4 желтоқсан аралығында жалпы білім беретін ұйымдарының түлектеріне арналған ХІІІ Президенттік олимпиадада Мағзам Ұлан 3- орынмен марапатталды.
2021 жылы 9-10 наурыз аралығында қашықтықтан өткізілген математикадан дарынды оқушылардың ХХХIII Азия-Тынық мұхиты математикалық халықаралық олимпиадасы (АТМО) мен халықаралық XX «Жібек жолы» олимпиадасында (МХЖО) мектептің 10- сынып оқушысы Темирзинова Мерей (мұғалімі Текенов А.А.) екі дода қорытындысы бойынша да, АТМО мен МХЖО қола медаль иеленсе, 9 - сынып оқушысы Жанахметов Ансар (мұғалімі Ахшалова Д.К.) МХЖО –да қола медальге қол жеткізді.
2020 жылы «Елбасы медалі» жобасына қатысқан 11 оқушы қола медаль иегері атанды.
2021-2022 оқу жылы Павлодар мен Тереңкөл аудандарымен «Білім беру экожүйесін жобалау» әдістемелік жобасы жалғастырылуда.
Бүгінде «Жас дарын» мамандандырылған мектебі- белсенді адамгершілік құндылықтары жоғары креативті интеллектуалды тұлға қалыптастырушы білім ордасы.
Мектеп өзінің даму сатысында басты құжат ретінде Қазақстан Республикасының Үкіметінің 2021 жылғы 12 қазандағы № 726 қаулысымен бекіткен "Білімді ұлт" сапалы білім беру" ұлттық жобасы , мектептің даму бағдарламасы мен Тұжырымдамасын негізге алады.
Наурыз 2012 жыл «Жас дарын» педагогикалық ұжымы
Мамыр 2016 жыл. «Жас дарын» педагогикалық ұжымы
27 қараша 2019 жыл
