Оқушылардың алғыс хаттары

            Біз 7- «М» сынып оқушылары алғысымызды ең алдымен ата-аналарымызға білдіреміз. Бізге өмір сыйлаған, әр баласының бақ-талабын қолдаған әке-шешемізге алғыс айтамыз. Себебі, ата-анамыз бізді осы күнге дейін мәпелеп, аялап өсірген жан адамдарымыз. Одан кейін, әрқайсымыз өзіміздің алғашқы ұстаздарымызға ақ ниетімізді білдіреміз. Бізді білім нәрімен сусындатып жақсы қасиеттерін бойына дарытып, адамгершілік рухта бағыт-бағдар берген алғашқы ұстаздың еңбегі зор.  «Жас дарын» мектебіне қабылданған кезде, бізді алғаш рет қарсы алған барлық мұғалімдерімізге ризашылығымызды білдіреміз.

Бауыржан Момышұлы атамыз айтқандай «Ұстаздық - ұлы құрмет. Себебі, ұрпақты ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді...  

Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз» - дегендей ұстаздарды  құрметтеуге тиіспіз.