"Үздік авторлық бағдарлама"

2016 ж. 12-13 қазан күндері Алматы қ. «Алатау» шипажай базасында жалпы орта білім беру және мамандандырылған білім беру ұйымдарының педагогтері арасында «Үздік авторлық бағдарлама» республикалық конкурсы өтті. Конкурсқа Қазақстанның 218 мұғалімі қатысты. Павлодар облысының намысын 18 педагог қорғады. 

Конкурс қорытындысы бойынша жаратылыстану-математикалық бағытта «Жас дарын» мамандандырылған мектебінің химия  пәнінің мұғалімі Мұрат Сабырұлы Әлібеков «Жалпы химия курсынан есептер шешу әдістемесі» бағдарламасы үшін  І орынға ие болды. 

 Республикалық конкурстың қорытындысы бойынша Павлодар облысы педагогтерінің командасы үздік деп танылды. Конкурс жеңімпаздарының авторлық бағдарламалары республикалық жинақта жарияланып, дарынды балаларды оқытудағы оқу-тәрбие үдерісінде қолданылады.

Мұрат Сабырұлын барлық "Жас дарын" мектебінің ұстаздар ұжымы, оқушылары және ата-аналары атынан құттықтаймыз!