19 мамыр күні облыстық «Жас көшбасшылар» форумы өтті.

Форумға мектебіміздің парламенті қатысып, экология, құқық және тәртіп, еріктілер бағыттары бойынша өз белсенділіктерін көрсетті.

Іс-шара барысында оқушылар түрлі командалық жұмыстарға қатысып, тәжірибе алмасып, жаңа идеялармен бөлісті. Форум соңында әр қатысушыға арнайы сертификаттар табысталды.

Сонымен қатар, мектебіміздің 10-«Ә» сынып оқушысы Даутова Фариза форумға ең белсенді қатысқаны үшін арнайы сый-сияпатпен марапатталды. Осындай жетістіктерімізбен мақтанамыз!